Na considerazion II

Na considerazion II

Mi me ripetarò forse: tempo fa ho scrit ła storia del vecio olmo dadrio al municipio – par mi el-jera un monumento! Co’ me son incort che i- ło ha tajà m’é cascà i brazi. A vośù dir che el-jera rientrà nte na graduatoria par mi astrusa, e co’ i- te claśifica nte na categoria D, niśun te salva pi da ła motosega, e te-finiśe in legne da ardar.

Però co’ paśe dadio al munizipio no pośe far de manco de dir: ełora no capiśe propio gent: che sie pośibiłe che al posto del vecio albaro i-epie piazà do grośi bidoni de scoaze – uno par ła carta e cheatro par ła plastica in beła mostra! Se questo ‘l-é el progreśo vośù da quei che sa, se pol dir che ‘l-é stat un bel cambio da intełijenti. Però mi da ignorante in materia ho vù na sodisfazion, neła giornada de ła terra: i-ha sentenzià che é graviśimo tajar albari veci e sani par impiantar albari żovani magari in żone anca distanti. Dato che tuti i se comporta a ła steśa maniera, ełora se quei de ła tera i-ragiona come mi, vol dir che propio mona no son. ‘L albaro tajà el-iera pi żovane de mi, però lu ‘l-é partio e mi son restà, (par el momento).       ‘L albaro el-vien eliminà co na semplice letara del alfabeto, invenze ‘l omo el-vien eliminà col virus scampà da ła Cina, che ‘l-ha fat na straje. Questo ‘l-é el progreśo pagà a caro prezo. Co’ noaltri se-va via, no se ricorda pi gnent niśun, par che sie stat fat tut des, e quel che é paśà no conta pi gnent.

Speren……..

 

Racconto di Federico Furlan